منتديات زهرة الكاردينيا
اهلا بك عزيزي الزائر , قم بالتسجيل في المنتدى لتحصل على فائدة اكثر من خلال امكانية مشاهدة الروابط . للتسجيل قم بالضغط على زر ( تسجيل ) او قم بتسجيل ( الدخول )ى ان كنت عضواً في منتديات زهرة الكاردينيا

منتديات زهرة الكاردينيا

 
الرئيسيةالتسجيلدخول

شاطر | 
 

 كلش باتصالك واضح الصوت - ايهاب المالكي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ahmed



190
تاريخ التسجيل : 08/09/2011

مُساهمةموضوع: كلش باتصالك واضح الصوت - ايهاب المالكي   الخميس 8 سبتمبر 2011 - 7:09

كلش باتصالك واضح الصوت
بس مو واضحة كلش نبرتك

فرق كلش جبير ابين الاثنين
حرورة دمعي وبرودة ضحكتك

صوجك علمتني افتهمك بساع
تسكت وافتهم كلشي بنظرتك

امسح جفن عينك من الدموع
كبل لاتخنك ابصرك عبرتك

فهمتك وانه كلبي يعجبك بهاي
صوتك يوصله حتى بسكتك

ولاتعتذر عذرك عندي مقبول
خلهه مساتره وهيج افتهمتك

بعد لازم وراي ارجع للاحلام
ارد امسح صور بيهن رسمتك

اجيت ابالي مرة وصدكت جاي
بجيت وشبكة مسودن شبكتك

شبعد عندك حجي وشرايد تكول
تريد تعوفني وصلت فكرتك

حبيبي اتدلل ادري تريدني انساك
عــــــــفوا قصدي تدلل حضرتك

مدري شجابني وكلت اتصل بيك
اجه الليل وجنت وحدي وذكرتك



عرفتك من ردت تحجيلي موضوع
حجيته وغلبت حروفك حسرتك


وعرفتك من حجيت بطاري الوداع
عرفتك يمكن تطول سفرتك

قفلت احلامي والخط بعده مفتوح
وكلتلي وياك أي كتلك سمعتك

ردتني او صف وكتهه احساسي وياك
وردت تعرف الحصلته بعشرتك

وبجيت وكتلك انته اتخيل اتكون
نص المعركة وتعثر مهرتك؟

على كل الخلص من عمري ندمان
وعلى كل الوصل منك شكرتك

واهي حيره من اودعك ارجع منين
والمن جايك والمن تركتك

من ارد للشمس هسه بعيني ماشوف
يليلي انسيتهه بكد ماسهرتك

يلحالفلي بس ماتارك شهود
بس فراشك وحايط وغرفتك

انعم الله عليك كتلي وانه ممنون
منك على مجازاتي بعشرتك

وبعد ماتفرق انته تعود لو لا
على كل حال من عدهن خسرتك
الرجوع الى أعلى الصفحة اذهب الى الأسفل
 
كلش باتصالك واضح الصوت - ايهاب المالكي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات زهرة الكاردينيا :: القسم الادبي و الثقافي :: الشعر الشعبي العراقي-
انتقل الى: