منتديات زهرة الكاردينيا
اهلا بك عزيزي الزائر , قم بالتسجيل في المنتدى لتحصل على فائدة اكثر من خلال امكانية مشاهدة الروابط . للتسجيل قم بالضغط على زر ( تسجيل ) او قم بتسجيل ( الدخول )ى ان كنت عضواً في منتديات زهرة الكاردينيا

منتديات زهرة الكاردينيا

 
الرئيسيةالتسجيلدخول

شاطر | 
 

 المعلقــــــة البيتــــنجانـّيــه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ahmed



190
تاريخ التسجيل : 08/09/2011

مُساهمةموضوع: المعلقــــــة البيتــــنجانـّيــه   الخميس 8 سبتمبر 2011 - 3:06

المعلقــــــة البيتــــنجانـّيــه

للشاعر الكبير ابن ابي الاسود الباتنجاني


أسود سواد الليل والزلف أخضر .................. واللمعة جن روغان والريحة عنبر
غلطان إذا ظنيت بالشتا ننساك ...................... رسمك ثبت بالعين والطاوة وياك
بالحمس بالتركيب بالمركة شفناك ..................... موّتت كل الناس من بعد فركاك
كذاب كلمن كال متفيد ؛مغثوث ..................... يامنشط المصران يامصبغ التووث
بالدهن من غطيت نشفته كله........................... سعر الدهن يا ناس سوّالي عله

يروح السمج والبيض واللحم فدوة

لعيون بيتنجان
بس هو يسوه
أسود بعيون الناس بعيوني تبني
واحد من ولد البيت حسبتك إبني


هم طرشي هم تكلاه هم شيخ محشي ............ مثل الذهب يا ناس بالسوك يمشي
يالتحجي عالروغان تستاهل إعدام ..................... لو فاركته العين ما تكدر تنام
أسود سواد الليل بس كلبه أبيض ................ أدري الطماطة تفيد بس إن أفرض
لو وجبة ما ألكاك صدكني أمرض ................. من كثر اللي بيك سويته معرض
زاير بيوت الناس والبيت بيته .......................... لو بيدي يا هالناس ما كشريته
لو تحجي يا هالناس هالمعدة كالت ...................... جيبولي بيتنجان الفركة طالت
كطعت ورد البيت وزرعتك إنت .......................... حيرني لغز البيك وما فهمته
دار الزمان ودار وبقيت إنت .......................... والباقي يا هالناس خلوها سكته
كلبك صخر جلمود يالكشريته مو جنت ...................... . تبجي دموع من فاركيته
لو يصعد الدولار هم هذا أزود ............................ حسبالك الدولار النفط الأسود

شكد حاول العدوان يفرض حصاره ما يدري............ .... وحش الليل سواله جارة
يالدزك الرحمن للناس رحمة.............. أتخيلك باليل بالطاوة لحمة
بكد ما بليت الناس من الله يبلاك............ إبتعد عني روح أرجوك يا(بلاك)
ما أظن انا بيوم أكدر أعوفك............ .. لوما كتلني الجوع ما جنت أشوفك
العظم أسود صار وحتى الخلية ............... . من سمع البيتنجان بالصيدلية
يومية ناخذ (دوز) شو صار إدمان ........... إتعوت عليه وهسه اني ندمان

القرحة بالأمعاء والمعدة (ألسر)............... ماي العمى للعين وللكلب(كانسر)

وكافي بعد ياناس ما أكدر أحجي........ لو شفت بتنجان هاليوم أبجي
الرجوع الى أعلى الصفحة اذهب الى الأسفل
 
المعلقــــــة البيتــــنجانـّيــه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات زهرة الكاردينيا :: منتدى الضحك و التحشيش-
انتقل الى: